Ky artikull nuk nxit kurrsesi zënkat në çift, por le të jemi të sinqertë; janë krejtësisht të pashmangshme.

Aq shumë sa njerëzit shprehen se ku ka shumë dashuri, ka edhe konflikt (nuk është e vërtetuar shkencërisht!).

Një statistikë interesante tregon se mesatarisht, në Amerikë, një person numëron 19 debate me partnerin/en dhe 5 netë të kaluara vetëm në kolltuk, të gjitha këto përgjatë një muaji.

Por siç na është thënë, çdo e keqe ka një të mirë dhe ky është rasti!

Zënkat mund të jenë të vlefshme nëse ke parasysh diçka…

Ja ku do të lexoni më në fund lajmin që prej kaq shumë kohësh keni pritur: konfliktet në çift jo domodoshmërisht janë të dëmshme për shëndetin. Për shumë prej jush mund të jetë e vështirë të besohet, por të debatuarit me njeriun e zemrës është çelsi i një jete të gjatë. Megjithatë ka një “por” nga pas. Studimi më i fundit shprehet se për të patur një jtë të shëndetshme dhe të gjatë duhet që të përputhësh strategjinë e zënkës me njeriun që ke në krah. Ky është sekreti i suksesit!

Ky përfundim është i vërtetuar shkencërisht…

Studimi në fjalë u krye mbi 192 çifte të martuara, prej 32 vitesh, që iu përgjigjën disa pyetjeve specifike. U vu re se e gjithë rëndësia qëndronte te mënyra e debatimit, shkruan anabel. Nëse njëri partner sulmon gjatë gjithë kohës (përmes fjalëve) dhe tjetri qëndron i tërhequr, rreziku i një vdekjeje të mundshme rritet dyfish. Duhet që partnerët të përfshihen në një dialog të zjarrtë ku gjithsecili të flasë për dhimbjet dhe dyshimet e tij.